ကိုးရီးယား အရံဟင်း

မိမိတို့ မီးဖိုထဲမှာရှိတဲ့ ပစ္စည်းအချို့နှင့် လွယ်ကူရိုးရှင်းတဲ့ ကိုးရီးယား အရံဟင်းချက်နည်းများ အချို့ကို  ဝေမျှချင်ပါတယ်ရှင့်။ အရံဟင်းများဟာကိုးရီးယားအစားအစာများ၏အထင်ကရအစိတ်အပိုင်းတစ်ခုဖြစ်ပါတယ်။ဒီနေ့ကတော့ မိသားစုထမင်းဝိုင်းတိုင်းမှာ မပါမဖြစ် တဲ့ အကြိုက်ဆုံးအရံဟင်း ၃ မျိုးကိုရွေးချယ်ထားပါတယ်။

ပါဝင်းပစ္စည်းများမှာ –

သခွားသီး

ကြက်သွန်မိတ်

ကြက်သွန်ဖြူ

သကြား

နှမ်းလှော်

ကိုရီးယားပဲငံပြာရည်

ကိုးရီးယားငရုတ်ကောင်းမုန့်

နှမ်းလှော်ဆီ

ရှူးရှူးရှဲရှဲ စားချင်တဲ့ ချစ်တို့အတွက် သခွားသီးသုတ်နည်းလေးပါ။ပထမဆုံး သခွားသီး, ကြက်သွန်မိတ်

ကြက်သွန်ဖြူများကိုပါးပါးလှီးပီးအရသာများကိုမျှအောင်ထည့်ပြီးပန်းကန်ထဲထည့်ထားပါမယ်။ အစပ်ကြိုက်သူများငရုတ်သီးမုန့်ကိုပိုသုံးလို့ရပါတယ်။အရသာများဖြည်းစမ်း၍ထမင်းနဲ့ဖြစ်ဖြစ် ခေါက်ဆွဲနဲ့ဖြစ်ဖြစ် သုံးဆောင်နိုင်ပါပြီ။

မိမိတို့ မီးဖိုထဲမှာရှိတဲ့ ပစ္စည်းအချို့နှင့် လွယ်ကူရိုးရှင်းတဲ့ ကိုးရီးယားအရံဟင်းအချို့ကို  ဝေမျှချင်ပါတယ်ရှင့်။ အရံဟင်းများဟာကိုးရီးယားအစားအစာများ၏အထင်ကရအစိတ်အပိုင်းတစ်ခုဖြစ်ပါတယ်။ဒီနေ့ကတော့ မိသားစုထမင်းဝိုင်းတိုင်းမှာ မပါမဖြစ် တဲ့ အကြိုက်ဆုံးအရံဟင်း ၃ မျိုးကိုရွေးချယ်ထားပါတယ်။

နောက်တမျိုးအနေနဲ့ ဟင်းနုနွယ် ​​ကို ပြုတ်ပီး စိမ့်စိမ့်လေးနဲ့ အနံ့အရသာပြည့်စုံစွာ သုပ်မှာဖြစ်ပါတယ်။

ပါဝင်းပစ္စည်းများ –

​ကြက်သွန်မိတ်

ကြက်သွန်ဖြူ

နှမ်းလှော်

ကိုရီးယားပဲငံပြာရည်

နှမ်းလှော်ဆီ

အရင်ဆုံး ဟင်းနုနွယ်ကိုရေနွေးပွတ်ပွတ်ဆူတဲ့ထဲမှာ ၁ မိနစ်ခန့်အရင်​ပြုတ်ပါမယ်။ ပြီးရင်ရေဆေးပီး ရေညစ်ထားရပါမယ်။အသင့်ဖြစ်ပြီဆိုရင် စသုပ်လို့ရပါပီ။ ကြက်သွန်မိတ်၊ ကြက်သွန်ဖြူ၊ နှမ်းဆီ၊ ဆားအနည်းငယ်၊ ပဲငံပြာရည်၊ နှမ်း​​လှော် နှင့် နှမ်းလှော်ဆီများကို အရွက်ပေါ်မူတည်ပြီး အရသာများကိုလိုသလို ထည့်သုပ်လို့ရပါတယ်။ အစပ်ကြိုက်လျှင် ငရုတ်သီးမုန့် သုံးလို့ရပါတယ်။

မုန်ညှင်းဖြူ

ဆား

ရေ

မုန်လာဥဖြူ/ နီ

ကြက်သွန်မိတ်

ဆန်မှုန့်

ကိုးရီးယားငရုတ်ကောင်းမှုန့်

နှမ်း

နှုတ်နှုတ်စင်းထား​​​သော ကြက်သွန်မိတ်

ဂျင်းအနည်းငယ်

သစ်တော်သီး

အရင်ဦးဆုံး မုန်ညှင်းကို ထက်ခြမ်းခွဲပြီး ဆားရည် စိမ်ပါမယ်။ ပြီးရင် မုန်ညှင်းတဖက်ချင်းကို ဆားထပ်ထည့် ပြီး အနည်းဆုံး ၂ နာရီ ကြာ စိမ်ရပါမယ်။ အရိုး တွေနွမ်းလာပြီးဆိုရင် ရေဆေးချလို့ရပါပြီ။ ဆန်မှုန့်ကိုမီးအေးအေးလေးနဲ့ကျိုပါမယ်။ ဆန်မှုန့်ကြက်ရင်အအေးခံထားပြီး ကြက်သွန်ဖြူ၊ ဂျင်းအနည်းငယ် နှင့် သစ်တော်သီး ​ကိုအခွံနွှာပြီး ကြိတ်ထားပါမယ်။  ပြီးရင် မုန်လာဥ ကိုပါးပါးလှီး၊ ကြက်သွန်မိတ်ကို တစ်လက်မခန့်လှီး ထားပြီး အအေးခံထားတဲ့ ဆန်မှုန့်အနှစ်၊ ငရုတ်ကောင်းမှုန့်၊ ကြိတ်ထားတဲ့ အသီးနှံနဲ့ရောပြီးရင် အနှစ်ရပါပြီ။ ရေစစ်ထားတဲ့ မုန်ညှင်းဖြူတဖတ်​​စီကို အနှစ် ကပ်ပေးရပါမယ်။ ရေခဲသေတ္တာထဲထည့်ထားပြီး ၃ ရက် ကနေ တပါတ်အတွင်း ရိုးရှင်းပြီးစားကောင်းတဲ့ ကင်မ်ချီ ဟင်းတခွက်ကိုရပါပြီ။ခေါက်ဆွဲနဲ့ပဲစားစား ထမင်းနဲ့ပဲစားစား အရသာရှိတဲ့ ကင်မ်ချီကို အခြား မုန်လာဥ ကင်မ်ချီ၊ ကြက်သွန်မိတ်ကင်မ်ချီ၊ သခွားသီး ကင်မ်ချီ များကိုလည်း စမ်းသပ်လို့ရပါပြီ။

အစားသောက်ကြိုက်နှစ်သက်သူတို့လဲဒီဟင်းချက်နည်းလေးကိုမျှ​​ဝေပေးရင်း ကြိုက်နှစ်သက်ကြလိမ့်မယ်လို့မျှော်လင့်ပါတယ်။နောက်ထပ်အသစ်အသစ်သော ကမ္ဘာအနှံ့ကအစားအသောက်များနှင့် ဒေသအစားအစာ ဟင်းချက်နည်းများကို ထပ်လေ့လာချင်ရင်တော့ ကျွန်ုပ်တို့အား Mitelar Facebook Page နှင့် Mitelar Website တို့တွင်၀င် အသေးစိတ် ဝင်ရောက်လေ့လာကြည့်ရူ့ နိုင်ပါသည်။