နည်းပညာဖွံ့ဖြိုးတိုးတက်မှုမြန်ဆန်လာတဲ့ ယနေ့ခေတ်မှာ Cloud Computing Service ဟာ ပုံမှန်လုပ်ငန်းလုပ်ဆောင်နည်းတွေကို ပြောင်းလဲပေးနေပါတယ်။ Cloud Computing ဆိုတာကတော့ သင့်အနေနဲ့ ကိုယ့်ကွန်ပျူတာထဲမှာ ဆော့ဖ်ဝဲတင်စရာမလိုဘဲ အင်တာနက်ကနေ ကြိုတင်ပြင်ဆင်ထားတဲ့ Server တွေ၊ Storage တွေ၊ Application တွေကို ဝေးလံခေါင်ဖျားကနေ တိုက်ရိုက် ချိတ်ဆက်သုံးနိုင်တာပါပဲ။

Gmail သုံးတာ၊ Google Drive သုံးတာ၊ Facebook သုံးတာတွေဟာလည်း Cloud Computing ကိုအခြေခံပြီး အလုပ်လုပ်တာတွေပါ။ ဒါကပဲ Cloud Computing ရဲ့အခြေခံသဘောတရား ဖြစ်ပါတယ်။

အဓိက Cloud Computing Service ၃ မျိုး

Cloud Computing ဝန်ဆောင်မှု တွေဟာ ဝန်ဆောင်မှုပုံစံအရ ၃ မျိုးခွဲခြားထားပါတယ်။

1. Infrastructure as a Service (IaaS)

ဒီဝန်ဆောင်မှုဟာ Server, Storage, Networking စတဲ့ physical infrastructure ကို တိုက်ရိုက် Online မှတစ်ဆင့် သုံးစွဲခွင့်ပေးပါတယ်။ ဥပမာ – Amazon Web Services (AWS), Microsoft Azure EC2 တို့ဖြစ်ပါတယ်။
လုပ်ငန်းကြီးအတွက် IaaS ကောင်းပါတယ်။

2. Platform as a Service (PaaS)

Software Developer တွေအတွက် Application တွေကို တည်ဆောက်ဖို့လိုတဲ့ Development Tools, Database, Server Environment တို့ကို ဝန်ဆောင်မှုပေးတဲ့အမျိုးအစားဖြစ်ပါတယ်။
ဥပမာ – Google App Engine, Heroku တို့။
လျင်မြန်တိကျတဲ့ Application ဖန်တီးမှုအတွက် အသုံးများပါတယ်။

3. Software as a Service (SaaS)

အသုံးပြုသူအနေနဲ့ Web Browser မှတစ်ဆင့် တိုက်ရိုက် အသုံးပြုနိုင်တဲ့ Software ဝန်ဆောင်မှုပဲ ဖြစ်ပါတယ်။
ဥပမာ – Gmail, Dropbox, Microsoft 365, Zoom တို့။
အလွယ်တကူ အသုံးပြုနိုင်တာကြောင့် လူကြိုက်များပါတယ်။

Cloud Computing ဝန်ဆောင်မှုကို ဘယ်လို အသုံးပြုလဲ?

Cloud Computing ကို သုံးစွဲခြင်းဖြင့် လုပ်ငန်းတစ်ခုတည်းမက၊ ပုဂ္ဂိုလ်ရေး တွင်ပါ အကျိုးရှိစေပါတယ်။

✅ လုပ်ငန်းအတွက်

• Server တပ်စရာမလိုတော့ဘဲ Operational Cost လျော့နည်းစေသည်

• Application တွေကို ပိုမြန်မြန် တည်ဆောက်လို့ရသည်

• ဝန်ထမ်းများသည် နေရာမရွေး အလုပ်လုပ်လို့ရသည် (Remote Work)

✅ ပုဂ္ဂိုလ်ရေးအတွက်

• ဖုန်းထဲကဓာတ်ပုံတွေကို Google Photos နဲ့ Backup လုပ်နိုင်သည်

• File များကို Dropbox, Google Drive တွင် သိမ်းဆည်းပြီး မည်သည့် Device မှမဆို Access လုပ်နိုင်သည်

• Microsoft Office Online ကတဆင့် Word, Excel စတာတွေကို တိုက်ရိုက် တည်းဖြတ်နိုင်သည်

Cloud Computing ဝန်ဆောင်မှု သုံးခြင်း၏ အားသာချက်များ

• Scalability – လုပ်ငန်းချဲ့သွားတဲ့အတိုင်း ပမာဏကို အလွယ်တကူတိုးနိုင်ပါတယ်

• Flexibility – နေရာမရွေး Access လုပ်လို့ရတာကြောင့် သွက်လက်မှု ပိုမိုရှိလာပါတယ်

• Security – Cloud Service Provider တိုင်းမှာ Data Encryption နဲ့ Backup Mechanism တွေကောင်းကောင်းရှိပါတယ်

• Cost Efficiency – Server တပ်ဖို့ သုံးစွဲရတဲ့ Capital Cost တွေကို လျော့နည်းစေပါတယ်

Cloud Computing ဝန်ဆောင်မှု ကို ဘယ်တွေမှာ အသုံးပြုသင့်လဲ?

• စက်မှုလုပ်ငန်းများ၊ IT Company များ

• EdTech, FinTech စတဲ့ နည်းပညာအခြေပြုလုပ်ငန်းများ

• Freelancer များ၊ Remote Team များ

• Web Developer, Mobile Developer များ

• Marketing Team တွေ၊ Content Creator များ

နိဂုံးချုပ်

အနာဂတ်နည်းပညာအနေနဲ့ Cloud Computing Service ဟာ လုပ်ငန်းတွေအတွက်မက personal data တွေအတွက်လည်း ခေတ်အလိုက်တိုးတက်လာစေပါတယ်။ ဒေတာ သိမ်းဆည်းမှုမှစပြီး Business Application အထိ၊ ချက်ချင်း အသုံးပြုနိုင်စွမ်းနဲ့ ပေါင်းစပ်ထားတဲ့ Cloud ဟာ သင့်လုပ်ငန်းကို ပိုမိုခိုင်မာအောင်ပြုလုပ်ပေးနိုင်ပါတယ်။

Microsoft 365 နဲ့ အခြားသော Products များအကြောင်းစိတ်ဝင်စားပါက သို့မဟုတ် ပိုမို သိရှိလိုပါက Thetys Myanmar သို့ ဆက်သွယ်ပြီး အသေးစိတ် မေးမြန်းဆွေးနွေးနိုင်ပါတယ်ခင်ဗျ။

reference website : Fusion Solution

သင်ကျွန်ုပ်တို့နှင့်ဆက်သွယ်လိုပါက ဤနေရာကို နှိပ်ပါ။